मराठी Engineer ला व्यवसाय करायला का लाज वाटते?

B.E. झाल्यावर पुढचं वाक्य ठरलेलं असतं –
“एक चांगली नोकरी मिळाली पाहिजे.”

Software, mechanical, civil, IT –
कोणत्याही ब्रँचचा असो…
शेवटी सगळा उद्देश “कुठे तरी लागलं पाहिजे” हाच असतो.

पण जर एखादा Engineer म्हणाला –
“मी स्वतःचा व्यवसाय करतोय…”

तर समाज, नातेवाईक, मित्रमंडळी एकदम म्हणतात –
“आयला काय झाला त्याला?”
“Engineering करून धंदा? मग शिकून काय उपयोग?”
“Placement नाही लागलं वाटतं…”

---

मग प्रश्न असा आहे —

मराठी Engineer ला व्यवसाय करायला लाज का वाटते?

1. शिक्षणाचं अंतिम उद्दिष्ट = नोकरी

आपल्याकडे लहानपणापासून एकच ट्रेनिंग दिलं जातं —
“चांगले मार्क्स मिळवा, चांगलं कॉलेज मिळवा, मग चांगली नोकरी मिळेल.”

व्यवसाय कधीच पर्याय म्हणून शिकवला जात नाही.
Engineering चा उपयोग software company मध्ये seat मिळवण्यासाठी केला जातो,
स्वतःचं system उभं करण्यासाठी नव्हे.

2. “धंदा” = अपयशाचं लक्षण

आजही मराठी समाजात हे perception आहे —
“कोण नोकरी नाही लागली म्हणून धंदा करतो.”

इंजिनीअर जर स्वतःचा startup, दुकान, tea stall, print shop, online brand चालवतो म्हटलं,
तर समाज म्हणतो —
“याला दुसरं काही जमत नसेल म्हणून हे करत असेल.”

कोणी म्हणत नाही –
“याने स्वतः ठरवलेलं आयुष्य निवडलं.”

3. Degree लावून वापरली पाहिजे, असं आग्रह

“तू चार वर्षं शिकलास,
Parents नी लाखोंचा खर्च केला,
आणि तू आता चहा विकणार??”

ही साचलेली मानसिकता म्हणजे,
degree ही गुलामीचं सर्टिफिकेट आहे –
की ती घेऊन तू दुसऱ्याच्या कंपनीतच काम केलं पाहिजे.

स्वतः काही सुरू केलं, की “education waste” वाटतं.

4. लहानपणापासून risk टाळायला शिकवलं जातं

धंदा म्हणजे risk.
नफाही, तोटाही.

पण मराठी Engineer चं मन ठरवलं असतं —
“सुरक्षिततेतच सुख असतं.”

त्यामुळे तो जोखीम टाळतो,
आणि “secure job मिळेपर्यंत” वाट बघत राहतो.

---

5. भिती – लोक काय म्हणतील?

“माझे classmates TCS, Infosys मध्ये आहेत,
आणि मी जर एक छोटं दुकान सुरू केलं,
तर लोक हसतील ना?”

हेच विचार मनात वळवळतात.
म्हणून व्यवसाय करायचा विचार येतो,
पण तो कृतीत उतरत नाही.

---

6. **कोणीतरी हात धरून शिकवलं पाहिजे,

पण व्यवसायात कोणी हात धरणार नाही**

Job मिळाली की ट्रेनिंग मिळतं.
Team असते, support असतो, seniors असतात.

पण व्यवसाय सुरू केला,
तर सगळं एकट्यानं शिकावं लागतं –
Accounting, branding, marketing, networking…
आणि मराठी Engineer या सगळ्याला तयार नसतो.

---

पण जरा थांबा…

अमेरिकेतील लाखो Engineer स्वतःची app बनवतात,
Germany मध्ये mechanical engineer आपली parts company सुरू करतो,
Japan मध्ये electronics engineer छोटं product startup करतो.

ते सगळे त्यांच्या ज्ञानाचा व्यवसायात वापर करतात.
आपणच का नाही?

मराठी Engineer ला काय शिकायला हवं?

1. Business म्हणजे कमीपणा नाही – तो मोठेपणा आहे.
2. Degree वापरून आपलं काहीतरी घडवणं हेच खरं utilization आहे.
3. दुसऱ्याच्या company साठी software लिहिण्यापेक्षा,
   स्वतःचं brand तयार करणं मोठं आहे.
4. लोक काय म्हणतील या भीतीत न जगता,
   लोक काय शिकतील हे घडवणं महत्त्वाचं

एक उदाहरण…

“Computer Engineer” असलेला एक मुलगा,
त्याने YouTube वर Free Course सुरू केला.
दोन वर्षांत त्याचा एक EdTech brand तयार झाला.

त्याला कुठे ‘job’ लागली नव्हती.
पण त्यानं स्वतःचं भविष्य तयार केलं.

शेवटी…

“व्यवसाय करणारा Engineer हा कमी शिकलेला नाही…
तो खऱ्या अर्थानं शिकलेला असतो.”

त्याला coding येतं,
त्याला design समजतं,
त्याला logic वापरता येतं…

फक्त तो हे सगळं
दुसऱ्यासाठी वापरण्याऐवजी
स्वतःसाठी वापरतो.

नवीन बिसनेस थेअरी वाचा…….click

मराठी Engineer, आता वेळ आली आहे.

Degree घेतली आहेस…
ती दुसऱ्याच्या स्वप्नात घालवू नको.
स्वतःचं स्वप्न उभं करायला वापर.